Die unieke ligging op Margate se hoofstrand bied jou asemrowende brander en seeuitsig. Strandwandelings kan met veiligheid geneem word in die aande want die strand is goed verlig. Seabrook is die landmerk wat op al die lugfoto's verskyn van Margate se strand en die "Golden Mile" voetpad kan vanaf meeste van ons woonstelle gesien word. Geen verkeer, geen parkeringsprobleme, jy kan net afgaan en betyds jou plek in die son op die grasbedekte terras onder palmbome gaan opeis en die hele oggend lekker le en net ontspan en die son, see, lekkernye soos roomyshoringkies, klein oliebolle te geniet. Later in die dag kan die kinders vanaf die veiligheid van jul woonstel uitkyk vir Walvisse, dolfyne of kyk hoe die lewensredders die haainette inspekteer sodat julle veilig kan swem in die see.

Skaars 100m se stap na die pragtige groot skoon Munisipale swembad , die "Rondevoux" Sentrum waar die kinders vlieers by die "Kite Shop'' kan kry ma vir haar 'n pragtige swembroek kan koop of haar stokperdjie kan uitbrei by '' The Scrap Corner". In Margate se hoofstraat is daar flieks, 'n winkel wat die mooiste juwele en gesondheidskerse verkoop "African Dreams" 'n Speelpark met 'n "Superslide'' wat in die seisoen opgerig word.  Geniet van die beste "Capuccino 's' in Margate by "Lilly's Bread Bin" vroeg oggend voor ontbyt en koop sommer lekker varsgebakte warm broodrolletjies. "Checkers" Handelsbanke, 'n Poskantoor, 'n Video Winkel, goeie restaurante alles op jou deurdrumpel. Is daar fout met jou selfoon "TJ's Cellular & electronics" sal jou kan help     of soek jy 'n lekker boek om te lees "Second Change Books"  in die hoofstraat.

Vanaf Margate is dit net 'n kort rit na een van ons top Golfbane en Rolbalbane. Margate se klein lughawe bied ook Helikopter vlugte oor die see en vryval vanuit 'n klein vliegtuigie aan. Sowat 7min se ry met die tolpad langs na Shelly strand is daar 'n nuwe sentrum "Southcoast Mall" en aan die kus die Shelly Sentrum met sy flieks, kettingwinkels, Pick 'n Pay, Clicks en verskeie restaurante. Die Shelly Beach vasmeerplek vir bote bied Diepseevisvang, Walvisverkenning en Diepseeduik aan.  

Akkommodasie:
Ons een,twee,drie en vier slaapkamer woonstelle bied bekostigbare familie akkommodasie aan met asemrowende seeuitsig oor Margate se strand.Ons kombuise is ten volle toegerus en die badkamers het beide 'n bad en  'n stort of net een van elkeen. TV's met 11 kanale en jy is welkom om jou eie DVD speler saam te bring vir die kinders se TV speletjies. Daar is 'n veilige parkeer gebied en daar is CCTV kameras is by al vier uitgange/ingange. Die Ontvangkantoor is op die grondvloer oorkant die gemeenskaplike munt wassery. Skoonmaakdiens is vanaf Maandag tot Vrydag ( die maak van skottelgoedwas en beddens opmaak uitgesluit). Linneomruiling elke 7 dae. Bring asb. eie handoeke en vadoeke. 'n Gemeenskaplike braai gebied is op die 3de vloer.

 'n Lys van alle belangrike telefoonnommers is in elke woonstel vir jul gerief. Die woonstelle is gemeubileer  en gegradueer volgens volle seeuitsig, van die kant seeuitsig, geen seeuitsig, 'n balkon of nie, 'n balkon met seeuitsig en nie en hoeveel mense slaap.

Maak 'n besprekings navraag