Tussen Shelly Strand en Ramsgate strek 10km van goue strande en 'n opeenvolging van versteekte
strandmere en rotsagtige inhamme wat deur die warm Indiese Oseaan
gebaai word. Hierdie manjifieke stuk kuslyn bied wonderlike
geleenthede om die buitelewe te ontdek en te ervaar.
Verken versteekte
inhamme en rotspoele waar kleurvolle anemone, seesterre, sponse,
klein vissoorte, kreef, en ander seelewe ontdek kan word. Die hele Margate kuslyn kan per voet verken word, 'n wonderbaarlike
stapervaring langs die voetpad deur inheemse strandwoude, tipies van
hierdie subtropiese gebied.
Margate, Ramsgate, St
Michaels-on-Sea, en Shelly Beach bied almal veilige swem strande
met haainette in plek en lewensredders aan diens. Die
watertemperatuur wissel in die lae twintigs sodat 'n mens selfs in
die koue tye van die winter kan swem. Getypoele is tussen die rotse
by al hierdie stande gebou en die poele word elke dag deur die gety
met vars seewater gevul. |
|
SHELLY
BEACH Skulpe van die Suidelike kus kan hier gevind word. Die
fynste miniatuur"
pink lady shells" kan hier gesien word as gevolg van die
vlak rotsriwwe. Shelly strand is 'n gewilde strand vir ski-bote,
hengel en skuba duik. Die bekendste Protea Rif (7km vanaf die strand
in die see in) wemel van see lewe. |
|
ST.
MICHAELS-ON-SEA is die speelplek van branderplankryers en
soortgelyke sportsoorte. Hulle soek almal na die perfekte golf en
het een van die beste "point breaks" in Suid Afrika. Wanneer
die suidwesterlike wind waai is hierdie strand sonder gelyke. |
|
UVONGO
BEACH is bekend vir sy waterval wat 23m ver in een van die
diepste strandmere in die land na benede stort. Die hoë digbegroeide
rotswande beskerm die strand. Langs die rivier loop 'n voetpaadjie
wat na die Uvongo Rivier Natuur Reservaat lei. Op die stand verkoop
informele handelaars vrugte, mandjies en plaaslike handwerk. 'n
Groot kleuterswembad is geleë op die graswalle in die skadu van
groot bome. |
|
MARGATE
BEACH is altyd volop aksie. Die "een myl" strand het 'n wye
aantrekkingskrag. Gedurende die seisoen word feestelike vakansie
programme aangebied met skoonheids kompetisies, musiek konserte en
pret vir oud en jonk. Soos die groen parke in London, is Margate
Strand 'n integrale deel van die dorp wat dit omring. Daar is 'n
pretpark, 'n groot olimpiese swembad en 'n oop sandstrand vir
strandspeletjies en rondlê. |
|
RAMSGATE BEACH
bied braai en piekniek fasiliteite in 'n skaduryke park vir die wat
meer rustigheid soek. Restaurante vir alle smake is nabygeleë, of
geniet 'n skemerkelkie terwyl u na die dolfyne kyk wat verby swem. |
