Wenke oor Veiligheid en
Gesondheid
BLOUBLASIES
EN ANDER STEKERIGE GEDIERTES
Kry 'n produk met
die naam "Stingose" van die apteek en hou dit in jou strandsak.
Pas op vir allergiese reaksies deur bysteke. As jou borskas toetrek en jy voel
duiselig van 'n steekplek, gaan na die naaste dokter of hospitaal.
SEEKASTAIINGS
Dra plakkies wanneer
jy in 'n seepoel swem om te verhoed dat jy nie op een van hierdie
"gogo's" trap nie, hulle is gewoonlik op die kante van die rotse
in getypoele. As jy ongelukkig genoeg is om in aanraking te kom met een
van hirdie
seediere, (gewoonlik 'n paar pik swart assegaaie in jou voet
ingeboor) moet jy onmiddelik die wond in 'n emmer warm water hou vir so +/- 10 minute. Dit verdun die gif (wat nie op ons kus dodelik is nie). Gaan sien 'n dokter so gou as moontlik,
sodat die wond skoongemaak kan word om infeksie te voorkom.
SONBRAND
Gebruik 'n minimum van SPF 30+ anders word die kans vir velkanker groter.
Die UV strale so sterk dat as enigiemand vir 'n half uur in volle son, sonder
sonbrand beskerming, erge ongerief sal he. Daar is geen effektiewe teenmiddel vir as jy kwaai gesonbrand het nie. As jy eers
gebrand het, is dit gedane sake. As jy blasies kry is dit 'n sekondêre brandwond -
gaan spreek 'n dokter!
LAGUNES
Die bakteriese
telling kan hoog wees in die lagunes, so moenie jou kinders toelaat om in
die water te speel nie, anders kan hulle dalk oorinfeksies of diarree kry.
Die volgende veiligheidswenke is deur al die lewensredders gegee wat by al die hoofswem strande
is.
-
Wanneer u op die strand kom is
dit belangrik om seker te maak dat die lewensredders aan diens is -
lewensredders dra rooi en geel klere sodat dit maklik is om hulle uit
te ken.
-
Maak seker u ken die plaaslike
strand kondisies - getye, kanale, winde en breukers as ook die
rotsagtige uitsteeksels.
-
Die lewensredders se
instruksies moet gehoorsaam word en as u in die see wil swem moet dit
tussen die twee vlaggies op die strand wees.
-
Moenie in die aand of
laat-middag swem nie. Moet ook nie swem waar daar nie lewensredders is
nie, dit is gevaarlik en iemand kan verdrink.
-
Indien u nie 'n sterk
swemmer is nie, is dit raadsaam om nie verder as kniediep te gaan nie
en gelyk met die strand te swem sodat dit nie nodig is om te ver te
swem indien jy moeg raak nie.
-
Jong kinders moet ten alle tye
onder oë gehou word en onder verantwoordelike volwasse toesig
wees.
-
Moenie naby aflooppype, rotse,
breekwaters, ens swem nie. Maak seker dat jy weet wat
onder die oppervlakte is en moenie duik as daar twyfel hieroor is
nie.
-
Moenie na 'n groot maaltyd of
as jy alkohol gebruik het, gaan swem nie, onthou "drinkers is sinkers!"
